Qubanın icra başçısı İlqar Mahmudov Yerfi kənd inzibati ərazi dairəsi üzrə vətəndaşların səyyar qəbulunu keçirib. Bu haqda ShimalNews 16 may tarixində məlumat verir.
Tədbirdə rayon prokuroru, rayonun bütün idarə, müəssisə və təşkilatlarının rəhbərləri iştirak ediblər. Sakinlərə rayonda aparılan abadlıq işləri və əhalinin sosial problemlərinin həlli istiqamətində həyata keçirilən tədbirlər barəsində ətraflı məlumat verilib. Vətəndaşlar tərəfindən qaldırılan məsələlərin həlli məqsədilə aidiyyəti şəxslərə yerindəcə lazımi tapşırıqlar verilib.
Qəbuldan öncə İlqar Mahmudov aidiyyəti şəxslərlə birlikdə Yerfi kəndinin girişində yaradılmış şəhid İsmayıl Məmmədovun xatirə guşəsi, həmçinin kəndin mərkəzində inşa edilmiş Şəhidlər bulaq-xatirə kompleksi ilə tanış olub.
