Əməkdar həkim Cabir Məmmədov uzun sürən xəstəlikdən sonra dünyasını dəyişib.
Shimal.News-un əldə etdiyi məlumata görə, bu gün Quba şəhər qəbiristanlığında mərhumun dəfn mərasimi keçiriləcək.
Doktor Cabir şəkər xəstəliyi və xroniki böyrək çatışmazlığından əziyyət çəkirdi. Bir müddət öncə komaya düşərək həkim nəzarəti altına götürülüb.
Məlumat üçün bildirək ki, Quba Rayon Mərkəzi Xəstəxanasının Ümumi Terapiya Şöbəsinin keçmiş müdiri olan Cabir İsrafil oğlu Məmmədov 1950-ci ildə anadan olub. O, 1984-1985-ci illərdə Quba rayonu Alpan kənd xəstəxanasında həkim kimi çalışıb, 1985-1996-cı illərdə Quba RMX-da həkim-kardioloq, 1996-2023 illər ərzində Ümumi Terapiya şöbəsinin müdiri kimi fəaliyyət göstərib.
1988-ci ildə Moskvada keçirilən Həkimlərin Ümumittifaq Qurultayında Azərbaycanı təmsil edib, Ali ixtisas dərəcəsi alıb, "SSRİ səhiyyə əlaçısı" döş nişanı ilə təltif edilib.
2013-cü ildə Prezident İlham Əliyevin sərəncamına əsasən "Tərəqqi" medalı ilə təltif edilən C.Məmmədov, 2018-cü ildə Prezidentin Sərəncamına əsasən "Əməkdar həkim" fəxri adına layiq görülüb.
