Quba–Xaçmaz avtomobil yolunda təsərrüfat kanalından daşan su sürücülərin narazılığına səbəb olub.
Shimal.News-a müraciət edən sürücülərin sözlərinə görə, Hacıəlibəy kəndi ərazisindən Yergüc kəndinədək olan hissədə yol arx suyunun altında qalıb.
"Bəlkə də su təmizdir, amma sürücülər üçün bu vəziyyət ciddi problemdir. Yolun nəzarətsiz qalan təsərrüfat suyu ilə örtülməsi maşınların yenidən çirklənməsinə səbəb olur. Bəzi hallarda ön şüşəyə sıçrayan su görünüşü məhdudlaşdıra bilər. Bu isə qəza ehtimalını yaradır ", – deyə şikayətçilər bildiriblər.
Sürücülər aidiyyəti qurumlardan problemin aradan qaldırılmasını və yola axan təsərrüfat suyunun qarşısının alınmasını xahiş edirlər.
