Quba-Xaçmaz Regional Təhsil İdarəsi tabeliyindəki ümumi təhsil müəssisələrində yardımçı pedaqoji vəzifələrə işə qəbul üzrə müsabiqə elan edir. Bu haqda ShimalNews 22 dekabr tarixində məlumat verir.
Təsərrüfat işləri üzrə direktor müavini, təsərrüfat müdiri, kitabxana müdiri, kitabxanaçı, psixoloq, uşaq birliyi təşkilatının rəhbəri və laborant vakansiyaları üzrə müsabiqə 3 mərhələdən ibarət olacaq:
-sənəd qəbulu, test imtahanı və müsahibə.
Namizədlər üçün tələblər:
- Azərbaycan Respublikası Əmək və Əhalinin Sosial Müdafiəsi Nazirliyi Kollegiyasının 20 dekabr 2017-ci il tarixli 18-1 nömrəli qərarı ilə təsdiq edilmiş “Təhsil sahəsinə aid olan qulluqçu vəzifələrinin Vahid Tarif-İxtisas Sorğu Kitabçası”na əsasən, ümumi təhsil müəssisəsində müvafiq vəzifələr üzrə ixtisas tələblərinə uyğun gələn namizədlər;
- Azərbaycan Respublikasının Əmək və Əhalinin Sosial Müdafiəsi Nazirliyi Kollegiyasının 15 noyabr 2005-ci il tarixli 24-2 №-li qərarı ilə təsdiq edilmiş “Bütün sahələr üçün ümumi olan qulluqçu vəzifələrinin Vahid Tarif-İxtisas Sorğu Kitabçası”na əsasən, ümumi təhsil müəssisəsində təsərrüfat müdiri vəzifəsi üzrə ixtisas tələblərinə uyğun gələn namizədlər.
Müsabiqədə iştirak etmək üçün tələb olunan sənədlər:
- kadrlar uçotunun şəxsi vərəqəsi;
- tərcümeyi-hal;
- şəxsiyyəti təsdiq edən sənədin surəti;
- əmək kitabçasının surəti;
- təhsil haqqında sənədin surəti;
- 3x4 fotoşəkil (2 ədəd).
Namizədlər tələb olunan sənədləri dekabrın 29-dək həftənin 1-5-ci günləri saat 10:00-dan 17:00-a kimi Quba-Xaçmaz Regional Təhsil İdarəsinə (ünvan: Quba şəhəri, Ə.Nərimanov küçəsi, 56) təqdim etməlidirlər.
Test imtahanı 14 yanvar 2024-cü il tarixdə saat 10:00-da başlayacaq. İmtahan buraxılış vərəqəsində göstərilən ünvanda keçiriləcək.
Regional Təhsil İdarəsinin tabeliyində olan məktəblər üzrə vakansiyalarla burada, vəzifələr üzrə ixtisas tələbləri və müsabiqə proqramı ilə burada tanış ola bilərsiniz.
