Quba-Xaçmaz Regional Təhsil İdarəsinin əməkdaşları müəllimlərlə görüşüblər. Bu haqda ShimalNews 27 dekabr tarixində idarəyə istinadən məlumat verir.
Görüşdə respublika fənn müsabiqələri və olimpiadalara şagirdlərin hazırlanmasına dəstək göstərən təhsil işçiləri iştirak ediblər. Müzakirələr olimpiadalara hazırlıq prosesi və bu istiqamətdə olan əsas problemlər, ikinci mərhələyə hazırlığın təşkili məsələləri, olimpiada mərkəzlərinin fəaliyyəti və bu istiqamətdə çalışan müəllimlərin stimullaşdırılması məsələlərini əhatə edib.
Tədbir zamanı ötən tədris ilində respublika fənn müsabiqələrinin və Lütfi Zadə adına Məntiq Olimpiadasının qaliblərinə diplomlar təqdim edilib.
