Quba-Xaçmaz Regional Təhsil İdarəsi innovativ, fəal və layihələrdə könüllü çalışan bir qrup müəllimlə görüş keçirib. Bu barədə ShimalNews 12 may tarixində məlumat verir.
Tədbir Quba rayonunun Zərdabi qəsəbə tam orta məktəbində baş tutub. Burada məktəblərdəki tədrisin vəziyyəti, yenilik tətbiqinin genişləndirilməsi və gənc müəllim həmkarlarına dəstək məsələləri barədə diskussiya aparılıb. Bir neçə müəllim maraqlı təcrübələrindən danışıb.
Eləcə də müəllimlərin könüllü dəstək göstərməsi təqdir edilib və onlara təşəkkür bildirilib. Gələcəkdə bu kimi görüşlərin davamı və əhatə dairəsinin genişləndiriləcəyi gözlənilir.
