Quba-Xaçmaz Regional Təhsil İdarəsi işə qəbul üçün müsabiqə keçirir. Bu barədə ShimalNews 26 aprel tarixində RTİ-yə istinadən məlumat verir.
Vakant yerlər təsərrüfat işləri üzrə direktor müavini, təsərrüfat müdiri, kitabxana müdiri, kitabxanaçı, psixoloq, uşaq birliyi təşkilatının rəhbəri və laborant vəzifələrinə elan edilib.
Namizədlər 3 mərhələdən (sənəd qəbulu, test imtahanı və müsahibədən) keçməli olacaqlar. Onlardan tələb olunan meyarlar aşağıdakılardır:
- Azərbaycan Respublikası Əmək və Əhalinin Sosial Müdafiəsi Nazirliyi Kollegiyasının 20 dekabr 2017-ci il tarixli 18-1 nömrəli qərarı ilə təsdiq edilmiş “Təhsil sahəsinə aid olan qulluqçu vəzifələrinin Vahid Tarif-İxtisas Sorğu Kitabçası”na əsasən, ümumi təhsil müəssisəsində müvafiq vəzifələr üzrə ixtisas tələblərinə uyğun gələn namizədlər;
- Azərbaycan Respublikasının Əmək və Əhalinin Sosial Müdafiəsi Nazirliyi Kollegiyasının 15 noyabr 2005-ci il tarixli 24-2 №-li qərarı ilə təsdiq edilmiş “Bütün sahələr üçün ümumi olan qulluqçu vəzifələrinin Vahid Tarif-İxtisas Sorğu Kitabçası”na əsasən, ümumi təhsil müəssisəsində təsərrüfat müdiri vəzifəsi üzrə ixtisas tələblərinə uyğun gələn namizədlər.
Müsabiqədə iştirak etmək üçün tələb olunan sənədlər:
- kadrlar uçotunun şəxsi vərəqəsi;
- tərcümeyi-hal;
- şəxsiyyəti təsdiq edən sənədin surəti;
- əmək kitabçasının surəti;
- təhsil haqqında sənədin surəti;
- 3x4 ölçüdə fotoşəkil (2 ədəd).
Sənədlər 26 aprel - 3 may tarixlərində, həftənin 1-5-ci günləri, saat 10:00-dan 17:00-a kimi Quba-Xaçmaz Regional Təhsil İdarəsinə (ünvan: Quba şəhəri, Azərbaycan küçəsi, 13 - Quba şəhəri Hacıbaba Əliyev adına 1 nömrəli tam orta məktəb) təqdim edilməlidir.
