Elm və Təhsil Nazirliyi, Təhsil İnstitutu, Məktəbəqədər və Ümumi Təhsil üzrə Dövlət Agentliyinin təşkilatçılığı, Bakı Ali Neft Məktəbinin ev sahibliyi ilə məktəblilərarası IX Fənn Müsabiqələrinin mükafatlandırma mərasimi keçirilib.
Shimal.News xəbər verir ki, tədbirdə Quba rayonu İkinci Nügədi kəndi Oktay Məmmədov adına 1 nömrəli tam orta ümumtəhsil məktəbinin şagirdləri Quliyev Məcid Rafiq oğlu, Zülfüqarova Gülay Famil qızı və Şabran şəhəri Samir Zülfüqarov adına 3 nömrəli tam orta ümumtəhsil məktəbinin şagirdi Abdullayeva Aydan Əlihüseyn qızı iştirak ediblər. Şagirdlərin hər biri bürünc medal qazanıblar.
Qeyd edək ki, sözügedən müsabiqədə ümumilikdə 43 min 111 şagird iştirak edib. Onlardan 8 800 nəfər yarımfinal mərhələsinə vəsiqə qazanıb. Müsabiqənin nəticələrinə əsasən, 307 şagird qalib olub. Onlardan 58 nəfər qızıl, 95 nəfər gümüş, 154 nəfər isə bürünc medalla təltif olunub. Qaliblərin 189 nəfəri oğlan, 118 nəfəri isə qızdır.
