Qubadan olan Vətən müharibəsi şəhidi Əfsan Salıyevin anasının halı qəfil pisləşib. Bu barədə ShimalNews 14 dekabr tarixində məlumat verir.
Lüdmila Salıyeva ağır vəziyyətdə Quba Rayon Müalicə Diaqnostika Mərkəzinə çatdırılıb. O, cərrahiyyə əməliyyatından sonra stasionar müalicə alır.
Əfsan Salıyev İkinci Nügədi kəndində anadan olub. O, Suqovuşan uğrunda gedən döyüşlərdə qəhrəmancasına şəhid olub. Azərbaycan Respublikası Prezidentinin Sərəncamına əsasən, “Vətən uğrunda” medalı ilə təltif edilib.
