Quba şəhər Ümumi Təyinatlı İnternat Tipli Ümumtəhsil Məktəbində maarifləndirici tədbir keçirilib. Bu haqda ShimalNews 7 may tarixində məlumat verir.
"İnsan alverinə qarşı mübarizə" çərçivəsində Daxili İşlər Nazirliyinin İnsan Alverinə Qarşı Mübarizə Baş İdarəsinin polis polkovnik-leytenantı İbrahim Əhmədov və Quba Regional QHT-lərin Resurs və Təlim Mərkəzi ictimai birliyinin sədri Eynulla Xeyrullayev şagirdlərlə görüş keçiriblər.
Tədbirdə “İnsan alveri nədir?”, “Kimlər insan alverinin qurbanına çevrilə bilər?” mövzuları vasitəsilə insan alverinin formaları, başvermə səbəbləri və ən əsası, qarşısının alınması yolları dinləyicilərə geniş formada izah olunub.
