Quba-Xaçmaz Regional Təhsil İdarəsinin əhatə etdiyi 72 mərkəzdə VI siniflər üzrə monitorinq keçirilib. Bu haqda ShimalNews 20 may tarixində məlumat verir.
Yoxlamalar Quba, Qusar, Xaçmaz, Siyəzən, Şabran rayon (şəhər) üzrə fəaliyyət göstərən təhsil müəssisələrinin VI siniflərində təşkil edilib. Monitorinq tədris dili, təbiət və riyaziyyat fənləri üzrə aparılıb. Prosesdə 8369 şagird iştirak edib.
Məqsəd şagird nailiyyətlərinin yaxşılaşdırılması, məktəblilərdə müvafiq standartlar üzrə bilik və bacarıqların hansı səviyyədə formalaşdığının müəyyən edilməsi və tədrisin keyfiyyətinin artırılması istiqamətində tədbirlərin görülməsidir.
