Qubada “15 İyun - Azərbaycan dövlətçiliyinin xilas günüdür” adlı tədbir keçirilib. Bu haqda ShimalNews 14 iyun tarixində məlumat verir.
15 İyun- Milli Qurtuluş Günü ilə əlaqədar təşkil edilən tədbir Heydər Əliyev Mərkəzində baş tutub. Mərasimdə “Asan xidmət” Mərkəzinin əməkdaşları və könüllüləri, 2 saylı orta məktəbin müəllim və şagirdləri iştirak ediblər.
Tədbirdə memarı Heydər Əliyev olan müstəqil Azərbaycan dövlətinin keçdiyi tarixdən, Azərbaycanın ərazi bütövlüyünün bərpa edilməsindən danışılıb.
Uşaqların ifasında vətənpərvərlik mövzusunda şeirlər və mahnılar səsləndirilib, maraqlı səhnəciklər nümayiş olunub. Sonda uşaqlar fəxri fərmanlarla təltif ediliblər.
