Qubada bank əməkdaşları “Heydər zirvəsi”nə yürüş keçiriblər. Bu haqda ShimalNews 3 may tarixində Banco.az-a istinadən məlumat verir.
Tədbir Heydər Əliyevin 100 illik yubileyi və Rabitəbank-ın 30 illiyi münasibətilə təşkil edilib. Gənclər Quba rayonu ərazisində - Böyük Qafqazın Başdağ silsiləsinin Qızıl Qaya massivində yerləşən hündürlüyü 3751 metr olan “Heydər zirvəsi”ni fəth ediblər.
Bank əməkdaşları relyef və iqlim şəraitinin sərt və mürəkkəb olmasına baxmayaraq, bütün maneələri dəf edərək, müəyyən olunmuş yerə vaxtında çatıblar. Onlar Rabitəbank və Azərbaycan bayraqlarını yerə sancıb, Heydər Əliyevin xatirəsini yad ediblər.
