Qubada yerləşən Meyvəçilik və Çayçılıq Elmi-Tədqiqat İnstitutunun əməkdaşları fındıqçılıqla bağlı tədbirdə iştirak ediblər. Bu barədə ShimalNews 26 aprel tarixində adıçəkilən təşkilata istinadən məlumat verir.
FAO və Kənd Təsərrüfatı Nazirliyi "Fındıqçılıq sahəsində səmərəliliyin və dayanıqlılığın sürətləndirilməsi" layihəsini həyata keçirir. Bu çərçivədə beynəlxalq və yerli ekspertlərin iştirakı ilə görüş keçirilib.
Bu zaman məhsul yığımı, sonrakı saxlama, emal və dəyər zənciri, aflatoksinin təsirləri, sağlamlığa və ticarətə təsirləri, nəzarət üsullarının müzakirəsi aparılıb.
Sonra isə 2 gün ərzində xarici ekspertlər tərəfindən Azərbaycan Qida Təhlükəsizliyi İnstitutunda aflatoksinlə (Aspergillus flavus, Aspergillus parasiticus) bağlı laborator analizlərin aparılması üzrə təlimlər keçirilib.
