Quba rayonunda “Hər bir vətəndaş bizim üçün dəyərlidir” adlı maarifləndirici tədbir keçirilib. Bu haqda ShimalNews 3 may tarixində məlumat verir.
Əlillərin Hüquqlarının Beynəlxalq Müdafiəsi Günü ilə əlaqədar baş tutan tədbir rayon Mərkəzləşdirilmiş Kitabxana Sisteminin Mərkəzi Kitabxanasında təşkil edilib. Mərasimdə kitabxana əməkdaşları, inklüziv təhsil üzrə beynəlxalq dərəcəli təlimçi, Əlil Qadınlar Cəmiyyətinin region üzrə rəhbəri, Azərbaycan Gözdən Əlillər Cəmiyyəti İctimai Birliyinin Quba Rayon Təşkilatının sədr müavini, Əlil Qadınlar Cəmiyyətinin region üzrə müavini, tələbələr, və digər qonaqlar iştirak ediblər. Qonaqlar ölkəmizdə əlillərin sosial müdafiəsinin yaxşılaşdırılması istiqamətində aparılan genişmiqyaslı tədbirlər barədə danışıblar.
1992-ci ildən BMT Baş Assambleyasının qərarı ilə may ayının 5-i Əlilliyi olan Şəxslərin Hüquqlarının Beynəlxalq Müdafiəsi Günü kimi qeyd olunur. Əlilliyi olan şəxslərin hüquqlarının qorunması ölkəmizdə aparılan sosial siyasətin əsas istiqamətlərindən biridir. Azərbaycan 2006-cı ildə əlilliyi olan şəxslərin hüquqları haqqında BMT-nin Konvensiyasına qoşulub.
