Qubanın Zərqava kəndindən olan şəhid Səlim Sultanovun xatirəsi anılır. Bu barədə ShimalNews 15 iyun tarixində məlumat verir.
Səlim 2002-ci ildə anadan olub. O, Azərbaycan Silahlı Qüvvələri tərəfindən Ermənistanın işğalı altında olan ərazilərin azad edilməsi üçün başlanan Vətən müharibəsində iştirak edib.
2 noyabr 2020-ci ildə Şuşa döyüşləri gedişatında Xocalı rayonunun Çanaqçı kəndi istiqamətində döyüş tapşırığının yerinə yetirilməsi zamanı qarşı tərəfin atdığı mərmi partlaması nəticəsində Səlim şəhid olub.
