Quba rayonunun Gədikqışlaq kənd sakinləri bir aya yaxındır ki, susuz qalıblar. Bu haqda ShimalNews 19 oktyabr tarixində Dünya Tv-yə istinadən məlumat verir.
Artezian quyusunun elektrik mühərrikinin sıradan çıxması səbəbindən əhali içməli suyu ətraf ərazilərdən gətirmək məcburiyyətində qalıb.
“Nə vaxtacan biz pulla su gətizdirəcəyik? Tonu 8 manatdan su alıb istifadə edirik. Artezianımız yanıb, onu kim düzəltməlidir? Buna Bələdiyyə baxmalıdır. Nəyə görə bizim bələdiyyəmiz bu işlərə baxmır?”-sakin söyləyib.
Məsələ ilə bağlı Vəlvələ kənd bələdiyyəsinin sədri Tahir Mirzəməmmədov bildirdi ki, mühərrik oktyabr ayının əvvəlində təmirə verilib. Ötən ilin fevral-aprel aylarında həmin quyunun mühərriki dəyişdirilib. Mühərrikin tez-tez sıradan çıxmasına səbəb isə günlərlə cərəyandan ayrılmaması, qızmasından baş verir. Sədr qeyd edib ki, qurğu yaxın bir həftə ərzində təmir olunaraq istismara veriləcək.
