Almaniya Federativ Respublikasının səfiri Ralf Horlemann Quba rayonuna səfər edib. Bu haqda ShimalNews 4 may tarixində APA-ya istinadən məlumat verir.
Nümayəndə heyəti öncə Quba Rayon İcra Hakimiyyətinin başçısı Ziyəddin Əliyevlə görüşüb. Nümayəndə heyəti Dağ yəhudilərinin kompakt məskunlaşdığı Qırmızı Qəsəbə, buradakı Ümumdünya Dağ Yəhudilərinin Tarix-Etnoqrafiya Muzeyi, sinaqoqlar və Quba şəhərini Qırmızı Qəsəbə ilə birləşdirən tarixi “Tağlı körpü” ilə tanış olub.
Ralf Horlemann bildirib ki, bu, onun Qubaya ilk rəsmi səfəridir. Ziyəddin Əliyevlə birgə gələcək əməkdaşlıq haqqında görüşlər keçiririk. Ehtimal var ki, Quba ilə Leypsiq arasında hansısa bir tərəfdaşlıq əlaqələri yaransın.
