Azərbaycan Dövlət Pedaqoji Universitetinin Quba filialının tələbələri “Pedaqoji ixtisas üzrə təhsil alan tələbələr arasında uşaq hüquqlarının təşviqi” adlı layihədə iştirak ediblər. Bu haqda ShimalNews 21 dekabr tarixində məlumat verir.
3 günlük təlim proqramı "Məktəbəqədər təlim-tərbiyə" və "İbtidai sinif müəllimliyi" ixtisası üzrə təhsil alan tələbələr üçün həyata keçirilir. Layihənin məqsədi gələcək pedaqoqlar arasında uşaq hüquqları ilə bağlı maarifləndirmə və anlayışın artırılması, onları gələcək karyeralarında bu hüquqların təbliği və müdafiəsi üçün bilik və bacarıqlarla təchiz etməkdir.
Tədbir Quba regional “ASAN xidmət” mərkəzinin və Azərbaycan Dövlət Pedaqoji Universitetinin Quba filialının təşkilatçılığı, “Forest Education Azerbaijan” qeyri-formal təhsil birliyinin tərəfdaşlığı ilə baş tutur.
