Dünyanın bir çox ölkələrində istifadə edilən “kenquru üsulu” Qubada vaxtından əvvəl doğulmuş körpəyə tətbiq edilib. Bu haqda 13 iyun tarixində ShimalNews Quba Regional Perinatal Mərkəzə istinadən məlumat verir.
Qadın 9 iyun tarixində 32 həftəlik hamiləliyində uşaqlıq üzərində olan çapıqda ağrılarla xəstəxanaya daxil olub. Yararsız çapıqla əməliyyata götürülərək uşağın və ananın həyatı xilas edilib. Hal-hazırda körpə “CPAP”da tənəffüs dəstəyi alır, vəziyyəti stabildir və ona“kenquru üsulu” tətbiq olunur.
Küvəzə salınacaq olan körpələrə istilik vermək üçün bədən-bədənə təmas “kenquru qayğısı” üsulu adlanır. Neonatal ölümlərin faizini azaltmaq məqsədilə xəstəxanaların neonatal şöbələrində bu üsuldan istifadə olunur.
