Qubada həkimlər 28-ci həftədə doğulan körpənin həyatını xilas ediblər. Bu haqda ShimalNews 16 may tarixində məlumat verir.
Regional Perinatal Mərkəzin komandası ağır preeklampsiya və ciftin vaxtından əvvəl ayrılması diaqnozu ilə daxil olan qadını təcili qeysəriyyə əməliyyatına alıblar. Xəstənin əməliyyatı həkim cərrah-ginekoloq Mahirə Əfəndiyeva və reanimatoloq Vüsalə Nuhbalayeva tərəfindən icra olunub.
Körpə 1100 qram çəki ilə dünyaya gəlib. Onun ağ ciyərlərinə "Crosurf" preparatı yeridilib və tənəffüs dəstəyi təmin olunub.
Ana və körpəsi artıq evə yola salınıblar.
