"İqor mənim 35 illik dostum idi. Dərdimiz, sözümüz bir idi".
Musavat.com-un məlumatına görə, bunu Aktauda qəzaya uğrayan təyyarənin pilotu İqor Kşnyakinin dostu Müzəffər Mirzəyev deyib.
O bildirib ki, hətta qəza baş verən gün pilotla danışıb:
"Nəvəm gəlib dedi ki, İqor əminin təyyarəsi qəzaya uğrayıb. Tez ona zəng etdim. Bizim saatla 12:29 idi. Biz onunla 38 saniyə danışdıq. O dedi ki, vəziyyəti pisdir. Sonra əlaqə itdi və zəng çatmadı.
Belə insanın ölümü hamımızı şoka salıb. Onun qızı Anastasiya da pilot olmaq istəyirdi. İmtahandan 600 bal toplamışdı. Ailəvi dost idik. Sonuncu dəfə onunla 1-ci gün görüşdüm. Məni əşya düşürmək üçün köməyə çağırmışdı".
