Ölkə üzrə hava şəraitində sabahdan başlayaraq ciddi dəyişikliklər gözlənilir.
Shimal.News xəbər verir ki, bu baradə Ekologiya və Təbii Sərvətlər Nazirliyindən bildirilib.
Qarşıdakı 10 gün ərzində həm Bakıda, həm də bölgələrdə hava kəskin dəyişəcək, bir sıra günlərdə yağıntıların intensivləşməsi, dağlıq ərazilərdə isə qar və çovğun müşahidə olunacaq.
Ölkənin şimal və qərb rayonlarında yağıntıların daha güclü olacağı proqnozlaşdırılır. Dağlıq və dağətəyi zonalarda havanın temperaturu mənfi göstəricilərə düşəcək və qar yağacaq. Qusar, Quba, Şamaxı, Kəlbəcər-Laçın istiqamətlərində çovğun, duman və yollarda buzlanma gözlənilir.
Sürücülərə xəbərdarlıq edilir ki, yaxın günlərdə yolların buz bağlaması, dağlıq ərazilərdə çovğun səbəbindən görünüş məsafəsinin azalması, eləcə də güclü külək fonunda fəsadların baş verməsi mümkündür. Ehtiyatlılıq tövsiyə olunur.
