Qanunsuz ov hallarına görə bu ilin ötən müddəti ərzində ümumilikdə 103.050 manat məbləğində cərimə tətbiq olunub.
Shimal.News xəbər verir ki, bu barədə Dövlət Ekoloji Təhlükəsizlik Xidmətinin rəis müavini Bəhruz Məhəmmədov bildirib.
Onun sözlərinə görə, qanunsuz ovetmə faktları Cəlilabad, İmişli, Neftçala, Lənkəran, Tovuz, Biləsuvar, Salyan, Xızı, Xaçmaz, Biləsuvar, Ağcabədi rayonlarında, Bakı, Sumqayıt və Gəncə şəhərlərinin ərazisində qeydə alınıb.
Qanunsuz ovla bağlı cərimə ilə yanaşı, ov hüququnun məhdudlaşdırılması cəzası da tətbiq edilə bilər. Qaydaları kobud şəkildə pozan şəxslər 6 aydan 2 ilədək ov etməkdən məhrum ola bilərlər.
