Quba-Xaçmaz regional bölməsinə daxil olan rayonlarda zərərvericiyə aid monitorinqlər aparılıb. Bu barədə ShimalNews 7 noyabr tarixində xəbər verir.
Azərbaycan Respublikasının Qida Təhlükəsizliyi Agentliyi (AQTA) Qəhvəyi mərmər bağacığının yayılmasını araşdırmaq üçün ümumilikdə 140 ədəd feromon tələ asıb.
Nəticədə Xaçmaz rayonunun Hülövlü, Qaradağ Buduq, Niyazabad, Əbilyataq, Qarabağlı, Tel kəndlərində yerləşən fındıq və tumlu-çəyirdəkli meyvə bağlarında, o cümlədən Samur-Yalama Milli Parkı ilə sərhəd ərazilərdə sözügedən zərərvericiyə rast gəlinməyib.
Sirayətlənmiş ərazinin sərhədlərinin müəyyən edilməsi və mübarizə tədbirləri məqsədilə feromon tələlərin sıxlığı artırılıb. Həmçinin vətəndaşlara AQTA tərəfindən hazırlanan “Qəhvəyi mərmər bağacığına qarşı birlikdə mübarizə aparaq” adlı kitabça paylanılıb.
