Son günlər yağıntılı hava və güclü sel Qafqazın ən böyük su kanalı – Samur–Abşeronda təhlükəli vəziyyət yaradıb.
Shimal.News-a danışan Xaçmaz sakinlərinin sözlərinə görə, kanalda suyun səviyyəsi artıq kritik həddə çatıb. Onlar qorxurlar ki, kanal daşsa, qəbiristanlıqlar, evlər və yaşayış əraziləri suyun altında qala bilər.
Samur–Abşeron kanalı öz mənbəyini Rusiya–Azərbaycan sərhədindəki Samur çayından götürür. Onun uzunluğu 183,3 kilometr təşkil edir. Sular əvvəlcə Şabrandakı Taxtakörpü su anbarına, daha sonra isə Ceyranbatan su anbarına yönləndirilir.
Hazırkı vəziyyət isə ətrafda yaşayan sakinlərdə “daşqın fəlakəti qapıdadır” qorxusunu yaradıb.
