Şəki penitensiar müəssisəsinə mobil telefon keçirilməsinin qarşısı alınıb.
Shimal.News xəbər verir ki, Ədliyyə Nazirliyinin Penitensiar xidmətinin əməliyyat aparatının əməliyyat-axtarış tədbirləri həyata keçirib.
Məhkum Ruslan Məmməd oğlu Əhmədovla görüşə gələn həyat yoldaşının üzərinə baxış keçirilib. Nəticədə idman ayaqqabısının daban hissəsində xüsusi üsulla gizlədilən danışıq kartı, mobil telefon və qidalandırıcısı aşkar olunub.
Faktla bağlı araşdırma aparılır.
"Cəzaçəkmə müəssisələrində və ya istintaq təcridxanalarında saxlanılan şəxslərə qadağan olunmuş əşyaların verilməsi və ya ötürülməsinin cinayət məsuliyyətinə səbəb olduğu bir daha vətəndaşların diqqətinə çatdırılır”, - deyə xidmət tərəfindən bildirilib.
