Qəbələdə hərbiləşdirilməmiş mülki müdafiə dəstələri ilə xəbərdarlıq və toplanış üzrə nümunəvi mülki müdafiə məşqi keçirilib.
Shimal.News məlumat verir ki, məşq zamanı əsas diqqət dəstələrin toplanış məntəqəsinə vaxtında çatmalarına və tam təchizatla təmin olunmalarına yönəldilib.
Toplanış siqnalı verildikdən sonra dəstələr zəruri əmlak və texnika ilə təchiz edilərək əvvəlcədən müəyyən edilən toplanış məntəqəsi — “Qəbələnd” əyləncə mərkəzinin ərazisində toplanıb.
Məşqə FHN-in Şimal-Qərb Regional Mərkəzinin Mülki Müdafiə İdarəsinin şəxsi heyəti, Qəbələ Rayon İcra Hakimiyyətinin Fövqəladə Hallar üzrə Komissiyası, Mülki Müdafiə Qərargahının üzvləri, Mülki Müdafiə xidmətləri və bu xidmətlər çərçivəsində yaradılmış ərazi mülki müdafiə qüvvələrinin şəxsi heyəti və texnikası cəlb olunub.
Ümumilikdə məşqə rayonda fəaliyyət göstərən 14 idarə, müəssisə və təşkilatdan 160 nəfər əməkdaş və 36 ədəd texnika cəlb edilib.
