Qəbələ rayonunda yol-hərəkəti qaydalarını kobud şəkildə pozan sürücü özünü videoya çəkərək sosial şəbəkə hesabında paylaşıb.
Avtosfer.az-ın məlumatına görə, 90-HR-507 dövlət nömrə nişanlı “VAZ-2107” markalı avtomobilin sürücüsü yolda sərt manevrlər edib.
Qəbələ rayonunda qeydə alınmış görüntüdə avtomobil dəfələrlə sürüşərək fırlanıb. Bu zaman sürücü özüylə yanaşı digər avtomobillərə də təhlükə yaradıb.
Həmin sürücünün Mingəçevir şəhərində çəkilmiş videosunda isə o, avtomobili qapısı açıq halda idarə edib və bədəninin bir hissəsini çölə çıxarıb.
