Azərbayacan Milli Elmlər Akademiyasında görkəmli arxeoloq, AMEA-nın müxbir üzvü, professor İlyas Babayevin anadan olmasının 90 illiyinə həsr olunan “Antik dövrdə Qafqaz və ətrafında urbanizasiya prosesləri” mövzusunda beynəlxalq elmi konfrans işə başlayıb.
Shimal.News məlumat verir ki, yubiley məclisində Azərbaycan alimləri ilə yanaşı, ABŞ, Koreya, Almaniya və Türkiyənin müvafiq sahə üzrə aparıcı alim və mütəxəssisləri, tanınmış arxeoloqlar, AMEA əməkdaşları, KİV mənsubları və digər qonaqlar iştirak edirdilər.
Professor İlyas Babayev Azərbaycanda elmi məktəb yaradan arxeoloqlardan biridir. Onun əsas tədqiqatları qədim Azərbaycan dövləti olan Qafqaz Albaniyasının tarixinə və arxeoloji problemlərinə həsr edilib.
Beynəlxalq konfrans öz işini bölmə iclasları ilə davam etdirib və bu gün yekunlaşacaq.
