Qəbələnin Məmmədağalı kəndindən olan Samur Eyyubov Bakı Ali Neft Məktəbinin (BANM) ən yüksək ballı ixtisasında təhsil alır.
Shimal.News xəbər verir ki, ötən il universitetlərə qəbul üçün keçirilən imtahanlarda Qəbələ rayonu üzrə ən çox bal toplayaraq (674.6 balla) BANM-ın Biznesin İdarə Edilməsi ixtisasına daxil olan Samur, eyni zamanda Prezident təqaüdçüsüdür.
Prezident təqaüdçüsü olmağı ilə qürur duyan Samurun sözlərinə görə, təqaüd maddi baxımından rahatlıq yaratmaqla yanaşı, zəhmətinin də qiymətləndirildiyini göstərir:
"BANM-ı seçməyimin əsas səbəbi burada gələcək üçün geniş imkanların olmasıdır. Gələcək planlara gəldikdə isə, hər şeyi əvvəlcədən dəqiq müəyyən etməkdənsə, həyatı axışına buraxmağı və qarşıma çıxan fürsətləri dəyərləndirməyi üstün tuturam".
