Ağsu-İsmayıllı ərazisində yol-təmir işlərini həyata keçirən şirkətin işçiləri köməksiz vəziyyətdə qalıblar. Ərazidə olan şəxslər əməkdaşlarına köməklik gösrətmək istəyiblər. Amma sel suları onların arzusunu ürəyində qoyub. Nəticədə 1 nəfər həyatını itirib, 3 nəfər isə xəsarət alıb.
Shimal.News xəbər verir ki, hadisə zamanı Pərviz Həyatullayev ekskavatorun çalov hissəsində əməkdaşlarına yaxınlaşaraq kəndirlə onları xilas etmək istəyib.Bu zaman sel daha da güclənib və ekskavatoru aparıb.
Nəticədə 43 yaşlı P.Həyatullayev həlak olub, 33 yaşlı Qazax rayon sakini Bəxtiyar Nəsib oğlu Abdullayev, 43 yaşlı Cəbrayıl rayon sakini Elnur Məhəmməd oğlu Salahov və 36 yaşlı Gədəbəy rayon sakini Bəxtiyar Fazil oğlu Qasımov müxtəlif dərəcəli bədən xəsarətləri ilə Şamaxı Rayon Mərkəzi Xəstəxanasına çatdırılıblar.
Hadisənin görüntülərini oxuculara təqdim edirik.
