Əmək və Əhalinin Sosial Müdafiəsi Nazirliyinin əməkdaşı həbs edilib.
Shimal.News xəbər verir ki, hadisə Balakən rayonunun Kortala kəndindəki şadlıq sarayında keçirilən toy məclisində baş verib.
Belə ki, nazirliyin tabeliyində olan "DOST" Mərkəzinin nəzarətçi köməkçisi olan şəxs həddindən artıq spirtli içki qəbul edərək həmkəndlisi ilə mübahisə edib. Mübahisə zamanı o, həmkəndlisinin baş nahiyəsinə ağır xəsarətlər yetirib.
Yaralı xəstəxanaya çatdırılıb və dərhal əməliyyat olunub. Faktla bağlı cinayət işi başlanıb daha sonra nazirlik əməkdaşı məsuliyyətə cəlb edilib. Nazirlik əməkdaşı həmkəndlisini ölümcül döyməkdə ittiham olunub. Şəki Ağır Cinayətlər Məhkəməsində keçirilən iclasda tərəflərin ifadələrindən sonra hökm oxunub. Məhkəmənin hökmü ilə nazirliyin tabeliyində "DOST" Mərkəzinin nəzarətçi köməkçisi vəzifəsində işləyən şəxs 3 il azadlıqdan məhrum edilib və məhkəmə zalında həbs olunub.
View this post on Instagram
