Elm və təhsil naziri Emin Əmrullayev Qusar rayonunun Hil kəndində professor Kərim Kərimov adına tam orta məktəbi ziyarət edib. Bu barədə ShimalNews 29 aprel tarixində nazirliyə istinadən məlumat verir.
Məktəbdə yaradılmış şərait və tədris prosesi ilə tanışlıq olub. Nazir şagird və müəllimlərlə görüşüb, onlarla səmimi söhbət aparıb.
Hazırda məktəbdə Azərbaycan və rus bölməsi üzrə ümumilikdə 31 sinif və 2 məktəbəhazırlıq qrupu var. Burada 636 şagird təhsil alır. Onların təlim-tərbiyəsi ilə 51 müəllim məşğul olur. Təhsil müəssisəsində 2 fizika, 2 kimya və 2 biologiya laboratoriyası, 2 əmək təlimi otağı, kitabxana, 350 yerlik akt zalı, idman zalı, həmçinin 92 yerlik yeməkxana mövcuddur.
