Tam (11 illik) orta təhsil səviyyəsi üzrə martın 2-də keçirilən buraxılış imtahanının nəticələri elan olunub.
Shimal.News xəbər verir ki, bu barədə Dövlət İmtahan Mərkəzi (DİM) məlumat yayıb.
Bildirilib ki, iştirakçılardan 23 nəfəri 300 bal toplamaqla ən yüksək nəticəni göstərib. Onların arasında Şimaldan da şagirdlər var:
Orxan Fəxri oğlu Abdulsəmədli - Şəki rayonu, Orta Zəyzid kənd 1 saylı orta məktəb;
Məhəmməd Bahadır oğlu İsmayılov - Şəki şəhəri, Kimya biologiya təmayüllü respublika liseyi;
Ömər Eltun oğlu Rəsulov - Qəbələ rayonu, Uludaş kənd orta məktəbi.
Bu imtahanda iştirakı nəzərdə tutulan 57 min 439 nəfərdən 468 nəfər imtahana gəlməyib. İmtahan qaydalarını pozduğu üçün 10 nəfərin nəticəsi ləğv olunub.
Qeyd: 9 mart 2025-ci ildə keçirilmiş buraxılış imtahanının nəticələrinin növbəti həftənin sonunadək elan olunması nəzərdə tutulur.
