Nabranda kəpənək sayının çox olması meşələrin taleyi ilə bağlı narahatlığa səbəb olub. Bu barədə ShimalNews 27 iyul tarixində Apa TV-yə istinadən məlumat verir.
Məlumata görə, bu canlılar gecə kəpənəkləri adlanır. Onlar ağacların yarpaqlarını tamamilə yeyiblər. Bunun səbəbini və nəticələrini öyrənmək məqsədilə mütəxəssislərə müraciət edilib.
Ekoloq Ənvər Əliyev deyir ki, aran-düzən meşələrində həşəratların inkişafı üçün münbit şərait olur. Hazırkı vəziyyət isə həmin ərazidəki ağacların qurumasına səbəb ola bilər. Bunun qarşısını almaq üçün təcili monitorinq aparılmalı və nəzarət tədbirləri görülməldir.
Məsələ ilə bağlı Ekologiya və Təbii Sərvətlər Nazirliyindən isə bildirildi ki, vəziyyət nəzarət altındadır. Artıq ərazidə dərmanlama işləri aparılıb.
