Nabranda su polisi qanunsuz balıq ovuna qarşı reyd aparıb. Bu haqda 4 aprel tarixində Shimal.news DİN-nin Mətbuat Xidmətinə istinadən xəbər verir.
Əməliyyat tədbirləri Su Nəqliyyatında Polis İdarəsinin Xaçmaz Xətt Polis Bölməsinin əməkdaşları tərəfindən keçirilib. Reyd zamanı Xəzər dənizi və bir neçə çay boyunca quraşdırılan torlar və balıqların ovlanması üçün istifadə olunan müxtəlif növ qurğular aşkarlaraq sudan çıxarılıb. Qanunsuz ov edən şəxslər barəsində qanuna uyğun qaydada tədbirlər görülüb.
Polis əməkdaşları tərəfindən keçirilən nəzarət-profilaktik tədbirlər balıq ovu ilə məşğul olan şəxslərin onlara verilmiş kvotalara riayət etmələrinə, eləcə də ekoloji cinayət törədənlərin aşkarlanmasına nail olmaq məqsədilə həyata keçirilir.
