Kənd təsərrüfatı nazirinin müavini İlhamə Qədimova İsmayıllıda vətəndaşlar və fermerlərlə görüşüb. Bu barədə ShimalNews 17 fevral tarixində məlumat verir.
Dövlət Aqrar İnkişaf Mərkəzinin inzibati binasında İsmayıllı, Göyçay və Şamaxı rayonlarından olan sakinlərin müraciətləri dinlənilib. Qəbulda müraciətlər, əsasən, subsidiya, işlə təminat, güzəştli şərtlərlə kreditin verilməsi, dövlət güzəşti ilə damazlıq heyvanların lizinqə götürülməsi və digər məsələlərlə bağlı olub.
2023-cü ilin sentyabr ayından başlayaraq Kənd Təsərrüfatı Nazirliyinin (KTN) vəzifəli şəxsləri tərəfindən bölgələrdə vətəndaş qəbulları keçirilir.
