Xaçmazda "Qrantlar, tenderlərə qoşulmaq və sənədlərin hazırlanması" mövzusunda təlim baş tutub. Bu barədə ShimalNews 21 sentyabr tarixində Kiçik və Orta Biznesin İnkişafı Agentliyinə (KOBİA) istinadən məlumat verir.
Xaçmaz KOB İnkişaf Mərkəzində keçirilən tədbirdə 14 nəfər iştirak edib. Onlara "Dövlət satınalmaları haqqında", tenderlərdə iştirak qaydaları, tenderlərə ilkin və ikinci mərhələ üçün sənədlərin hazırlanması, tenderlərə elektron müraciətin olunması barədə ətraflı məlumat verilib. Sonda iştirakçıları maraqlandıran suallar cavablandırılıb.
KOBİM tərəfindən göstərilən bütün xidmətlər ödənişsizdir.
