İsmayıllı rayonundan seçilmiş namizədlər üçün “İnsan resurslarının idarə olunması” mövzusunda təlim keçirilib. Bu haqda ShimalNews 6 oktyabr tarixində məlumat verir.
Qarabağ KOB-ləri proqramı çərçivəsində təşkil edilən seminarın təlimçisi Günay Məmmədquliyeva olub. Görüş zamanı aşağıdakı mövzular müzakirə edilib:
- İnsan resursları mütəxəssisi nə iş görür?
- insan resurslarının planlaşdırılması və addımlar;
- mövcud işçi qüvvəsinin təhlili;
- işçi qüvvəsinin ehtiyacının proqnozlaşdırılması;
- iş analizinin əsasları, analizi və onun metodları;
- vəzifə və iş təlimatı;
- tələblə təklifin balanslaşdırılması;
- Namizəd axtarış kanalları;
- Əmək qanunvericiliyi üzrə əsas məqamlar;
- İşə qəbulun rəsmiləşdirilməsi və s.
Təlim interaktiv şəkildə keçib. Prosesdə və sonda iştirakçıların sualları cavablandırılıb.
