“Oxu, qazan!” müsabiqəsinin qalibləri Qubada istirahət paketi qazanacaqlar. Bu haqda ShimalNews 22 noyabr tarixində məlumat verir.
Bilik yarışına qatılan gənclər Süleyman Sani Axundovun hekayələrindən ibarət “Qaraca qız” kitabını 1 ay ərzində oxumalıdırlar. Dekabrın 25-də saat 21:00-da keçiriləcək onlayn test imtahanında 50 sual təqdim ediləcək.
"Teleqram" kanalının canlı yayımında baş tutacaq müsabiqə zamanı bütün iştirakçılara eyni anda kitabdan testlər təqdim olunacaq. Hər suala 20 saniyə veriləcək. Yarışın sonunda topladıqları ballar bərabər olan iştirakçılar arasında 2-ci tur keçiriləcək.
Qalib şəxs Quba Olimpiya İdman Kompleksinə 2 günlük (ailəvi, 4 nəfərlik) istirahət paketinə sahib olacaq.
Yarışmada iştirak üçün "Oxu, qazan!" kanalına üzv olmalısınız.
