İsmayıllıda torpaq və əmlak idarəçiliyinə həsr edilən zona müşavirəsi keçirilib. Bu haqda 21 iyun tarixində ShimalNews RİH-yə istinadən məlumat verir.
Müşavirədə İsmayıllı, Qəbələ və Oğuz rayonlarının yerli icra hakimiyyəti orqanlarının məsul əməkdaşları, bələdiyyələrin nümayəndələri iştirak ediblər. Tədbirdə İsmayıllı rayonu üzrə torpaqların elektron kadastr uçotu işləri elektron olaraq nümayiş olunub. Kadastr uçotu işləri nəticəsində rayonun, eləcə də inzibati ərazi dairələrinin, bələdiyyələrin, dövlət torpaqlarının sərhədləri müəyyən edilib.
Sonda iştirakçıları maraqlandıran suallar cavablandırılıb, təkliflər dinlənilib.
