Baş Prokurorluğun Cinayət təqibindən kənar icraatlar idarəsində İsmayıllı rayonunda qanunsuz ağackəsmə faktları ilə bağlı araşdırma aparılıb.
Shimal.News xəbər verir ki, Qəzli kəndi ilə Göytəpə kəndi arasında yerləşən yaşıllıq ərazidə meşə fonduna daxil olmayan ərazisində meşə fonduna daxil olan ağac və kollar kəsilib.
Qeyd olunan faktlarla bağlı Cinayət Məcəlləsinin 188.1 (torpaq üzərində mülkiyyət, istifadə və ya icarə hüququnu pozma), 222-3 (tikinti, mədən işlərinin və sair işlərin aparılmasının təhlükəsizlik qaydalarını pozma ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda), 255.1 (yerin təkinin qorunması və istifadəsi qaydalarını pozma), 259.1, 259.2.4 (xeyli və külli miqdarda ziyan vurmaqla qanunsuz olaraq ağacları, kolları və ya digər yaşıllıqları kəsmə) və 308.1-ci (vəzifə səlahiyyətlərindən sui-istifadə) maddələri ilə cinayət işləri başlanaraq istintaqın aparılması üçün aidiyyəti üzrə prokurorluq və daxili işlər orqanlarına göndərilib.
