İsmayıllıda budama ilə bağlı tarla seminarı keçirilib. Bu barədə ShimalNews 3 fevral tarixində Üzümçülük və Şərabçılıq Elmi-Tədqiqat İnstitutuna (ÜŞETİ) istinadən məlumat verir.
Seminarda ÜŞETİ-nin əməkdaşları və üzümçü fermerlər iştirak ediblər. Mütəxəssislər tərəfindən budamanın aparılma qaydaları əyani olaraq fermerlərə göstərilib.
Görüşün keçirilməsində əsas məqsəd fermerlərin istehsal prosesini mütəmadi izləyərək onların qarşılaşdığı problemlərin həllinə, həmçinin becərmə texnologiyalarının, mühafizə tədbirlərinin düzgün həyata keçirilməsinə köməklik göstərməkdən ibarət olub.
Seminar Kənd Təsərrüfatı Nazirliyi Üzümçülük və Şərabçılıq Elmi-Tədqiqat İnstitutu (ÜŞETİ) və İsmayıllı Dövlət Aqrar İnkişaf Mərkəzinin birgə təşkilatçılığı ilə həyata keçirilib.
