Antiterror əməliyyatları zamanı şəhid olan Cahan Qasımovun qız övladı dünyaya gəlib. Bu barədə ShimalNews 23 fevral tarixində məlumat verir.
Körpə 19 fevral 2024-cü il tarixində dünyaya göz açıb. Ona Zərifə adı verilib.
Doğum evindən evə yola salınma mərasimində İcra Hakimiyyətinin, İsmayıllı Uşaq və Ailələrə Dəstək Mərkəzinin və Uşaq-Gənclər İnkişaf Mərkəzinin əməkdaşları iştirak ediblər.
Şəhid C.Qasımov Qalınçaq kəndində anadan olub. 2023-cü ilin 19 sentyabr tarixində baş verən antiterror əməliyyatı zamanı Xocavənd istiqamətində gedən döyüşlər zamanı yaralanmış və ərazidə köməksiz vəziyyətdə qalmışdır. Daha sonra Cahan tapılaraq Hərbi hospitala yerləşdirilmişdir. 10 gün davam edən müalicələr nəticə verməmiş, oktyabr ayının 1-də müalicə aldığı klinikada vəfat etmişdir. O, ölümündən sonra “Vətən uğrunda” medalı ilə və 3-cü dərəcəli “Vətənə xidmətə görə” ordeni ilə təltif edilib.
