İsmayıllı rayonu ərazisində qanunsuz ağackəsmə faktları ilə bağlı araşdırma aparılıb. Bu barədə ShimalNews 10 oktyabr tarixində Baş Prokurorluğa istinadən xəbər verir.
Yoxlama zamanı Quşencə və Diyallı kəndləri ərazisində meşə fonduna daxil olmayan ağac və kolun qanunsuz kəsilməsi müəyyən edilib. Faktla bağlı Cinayət Məcəlləsinin 259.1 və 259.2.4-cü maddələri ilə cinayət işləri başlanılıb.
Ümumilikdə ölkə ərazisində 130 ədəd müxtəlifcinsli ağac və kol məhv edilib. Nəticədə ekosistemə 40 min manat məbləğində maddi ziyan dəyib.
