İsmayıllı şəhər Aşağıbaş stadionunda “Rayon hərbiləşdirilməmiş MM dəstələri ilə xəbərdarlıq toplanış üzrə nümunəvi mülki müdafiə məşqi” keçirilib. Bu barədə ShimalNews 8 iyul tarixində RİH-yə istinadən məlumat verir.
Təşkil olunan müdafiə məşqində RİH başçısının birinci müavini, Fövqəladə Hallar Komissiyasının sədri Mahmud Süleymanov, Fövqəladə Hallar Nazirliyinin Şimal-Qərb Regional Mərkəzinin rəis müavini polkovnik-leytenant Ceyhun Babayev, Mülkü Müdafiə İdarəsinin rəisi vəzifəsini icra edən mayor Sarvan Əsədov, qərargah rəisləri, dəstə və xidmət üzvləri iştirak ediblər.
FHN Şimal-qərb Regional Mərkəzi 10 rayonu əhatə edir. Bura daxil olan İsmayıllı seysmoaktiv zonada yerləşir. Bundan başqa, sel, daşqın və güclü küləklər rayonumuza xasdır.
Belə hadisələrə hazır olmaq üçün məşqlər keçirilib. Rayon hərbiləşdirilməmiş mülki müdafiə dəstələrinin hər hansı fövqəladə hadisə baş verərsə, nəticələrini aradan qaldırmağa hazırlıq səviyyəsi yoxlanılıb.
Eləcə də fövqəladə hallara operativ reaksiyavermə hazırlığı səviyyəsinin yoxlanılaraq bacarıqların təkmilləşdirilməsi, şəxsi heyətə xəbərdarlıq toplanışı üzrə əməli vərdişlər aşılanıb.
