İsmayıllıda yeniyetmə qızla cinsi əlaqədə olan şəxs həbs olunub. Bu barədə ShimalNews 3 fevral tarixində "Unikal"a istinadən məlumat verir.
Məlumata görə, Asiman adlı 25 yaşlı İsmayıllı şəhər sakini "Instagram"da Nəzrin adlı məktəbli qızla tanış olub. Sonra onlar "WhatsApp"da mesajlaşmağa başlayıblar.
Tez-tez görüşən cütlük bir neçə dəfə cinsi əlaqədə olub. Bir müddətdən sonra isə Nəzrinin hamilə olduğu məlum olub.
Faktla bağlı Cinayət Məcəlləsinin 152.1-ci (On altı yaşına çatmayan şəxslə cinsi əlaqədə olma və ya seksual xarakterli digər hərəkətlər etmə) maddəsi ilə cinayət işi üzrə istintaq aparılıb.
İsmayıllı Rayon Məhkəməsinin hökmü ilə Asiman 1 il 6 ay müddətinə azadlıqdan məhrum edilib.
