İsmayıllıda “Şirvan zonasında həssas qruplardan olan qadın və qızların özünəməşğulluq proqramına cəlb olunması və sahibkarlıq bacarıqlarının inkişaf etdirilməsi - informasiya treninq proqramının təşkili” adlı tədbir keçirilib. Bu barədə ShimalNews 19 iyul tarixində RİH-yə istinadən xəbər verir.
Maarifləndirici tədbir Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə Qadın və Müasir Dünya Sosial Xeyriyyə İctimai Birliyi tərəfindən keçirilib. Burada RİH-nin məsul əməkdaşı və kəndlərdə yaşayan, sahibkarlıqla məşğul olmaq istəyən qadınlar iştirak ediblər.
