İsmayıllıda “Erkən nikah problemi və ona qarşı mübarizə yolları" adlı tədbir keçirilib. Bu barədə ShimalNews 16 fevral tarixində məlumat verir.
Tədbirdə Rayon İcra Hakimiyyətinin, Dini Qurumlarla İş üzrə Dövlət Komitəsinin Şamaxı bölgəsi üzrə şöbəsinin, Rayon Ağsaqqallar Şurasının, Gənclər və İdman İdarəsinin, Qafqaz Müsəlmanları İdarəsinin əməkdaşları, İsmayıllı şəhər məscidinin imamı və digər idarələrin rəhbər şəxsləri iştirak ediblər.
Ekspert qrupunun üzvləri, digər çıxış edənlər günün əsas mövzusu olan erkən nikah və qohum evliliklərinin səbəbləri, cəmiyyətə və insanlara mənfi təsirləri haqqında çıxış ediblər. Mövzu ilə əlaqədar geniş fikir mübadiləsi aparılıb, müəssisələrdə maarifləndirici tədbirlərin daha geniş şəkildə keçirilməsinin vacibliyi vurğulanıb.
